షేర్: f 𝕏 ✉ ✈ in @
xpressnews.co.in 17 నవం 2026, 8:07 ఉద.
క్రైమ్ వార్తలు

ఘట్‌కేసర్‌లో దారుణ హత్య.. ఇటుకతో తలపై కొట్టి, కత్తితో మర్మాంగాన్ని కోసిన 17 ఏళ్ల బాలుడు!

Truth. Perspective. Journalism.
ప్రచురణ తేదీ: 17 నవం 2026, 8:07 ఉద. రచన: One News Desk
6 వీక్షణలు 0 వ్యాఖ్యలు
ఘట్‌కేసర్‌లో దారుణ హత్య.. ఇటుకతో తలపై కొట్టి, కత్తితో మర్మాంగాన్ని కోసిన 17 ఏళ్ల బాలుడు!

Brutal murder in Ghatkesar: మేడ్చల్‌-మల్కాజిగిరి జిల్లాలోని ఘట్‌కేసర్‌ మండలం అవుషాపూర్‌లో తీవ్ర కలకలం రేపిన దారుణ హత్య ఘటన వెలుగులోకి వచ్చింది. డబ్బుల విషయంలో ఏర్పడిన వివాదం, తన తల్లిని దూషించాడనే కోపంతో ఓ 17 ఏళ్ల బాలుడు తనతో కలిసి పనిచేస్తున్న వ్యక్తిని అత్యంత కిరాతకంగా హత్య చేశాడు. మొదట సిమెంట్ ఇటుకతో తలపై పలుమార్లు కొట్టి ప్రాణాలు తీశాడు. అనంతరం కూరగాయలు కోసే కత్తితో మృతుడి మర్మాంగాన్ని కోశాడు. ఈ ఘటన స్థానికంగా తీవ్ర భయాందోళనలకు దారితీసింది. పోలీసులు వెల్లడించిన వివరాల ప్రకారం.. ఆంధ్రప్రదేశ్‌లోని పల్నాడు జిల్లా సత్తెనపల్లికి చెందిన 17 ఏళ్ల బాలుడు జీవనోపాధి కోసం హైదరాబాద్‌కు వచ్చాడు. ఘట్‌కేసర్‌ మండలం అవుషాపూర్‌లోని జగత్ స్వప్న స్పార్కిల్ క్యాసిల్‌లో పనిచేస్తున్నాడు. అదే ప్రాంతంలో వాచ్‌మెన్‌గా పనిచేస్తున్న శివ అనే వ్యక్తి అతనికి బంధువు. ఇద్దరూ ఒకే గదిలో నివసించేవారు. అయితే కొంతకాలంగా వీరిద్దరి మధ్య డబ్బుల లావాదేవీల విషయంలో వివాదాలు కొనసాగుతున్నాయి. ఈ క్రమంలో శివ బాలుడిని, అతని తల్లిని అవమానకరంగా దూషించినట్లు తెలుస్తోంది. దీంతో బాలుడు శివపై తీవ్ర ఆగ్రహం పెంచుకున్నాడు.

Brutal murder in Ghatkesar: మద్యం మత్తులో మరోసారి గొడవ

ఇద్దరి మధ్య ఇప్పటికే ఉన్న విభేదాలు తాజాగా మరోసారి బయటపడ్డాయి. ఘటన జరిగిన సమయంలో ఇద్దరూ కలిసి మద్యం సేవించినట్లు సమాచారం. ఈ క్రమంలో డబ్బుల విషయం, గతంలో జరిగిన అవమానాల గురించి మరోసారి వాగ్వాదం మొదలైంది. తన తల్లిని దూషించిన విషయాన్ని మనసులో పెట్టుకున్న బాలుడు ఆవేశానికి లోనయ్యాడు. మాటామాటా పెరగడంతో గొడవ తీవ్రరూపం దాల్చింది. మద్యం మత్తులో విచక్షణ కోల్పోయిన బాలుడు శివపై దాడికి పాల్పడ్డాడు. గొడవ సమయంలో శివను కిందపడేసిన బాలుడు సమీపంలో ఉన్న సిమెంట్ ఇటుకను తీసుకున్నాడు. దానితో అతని ముఖం, తలపై పలుమార్లు బలంగా కొట్టాడు. దాడి తీవ్రతకు శివ అక్కడికక్కడే ప్రాణాలు కోల్పోయాడు. అయినా బాలుడు అక్కడితో ఆగకుండా గదిలో ఉన్న కూరగాయలు కోసే కత్తిని తీసుకొని మృతుడి మర్మాంగాన్ని కోశాడు. ఈ ఘటన అత్యంత క్రూరంగా ఉండటంతో స్థానికంగా తీవ్ర కలకలం రేగింది. ఈ ఘటనపై సమాచారం అందుకున్న ఘట్‌కేసర్ పోలీసులు కేసు నమోదు చేశారు. సీఐ పి.కిరణ్ నేతృత్వంలో దర్యాప్తు ప్రారంభించారు. నిందితుడి ఆచూకీ కోసం గాలింపు చేపట్టారు. సోమవారం అవుషాపూర్ ప్రాంతంలో బాలుడు సంచరిస్తున్నట్లు పోలీసులకు సమాచారం అందింది. దీంతో పోలీసులు అతడిని అదుపులోకి తీసుకున్నారు. అనంతరం విచారణ చేపట్టి రిమాండ్‌కు తరలించారు. ఈ హత్యకు పాల్పడిన బాలుడికి 17 ఏళ్ల వయసు ఉండటంతో కేసు విచారణలో జువైనల్ జస్టిస్ చట్టంలోని నిబంధనలు కీలకంగా మారనున్నాయి.

#క్రైమ్వార్తలు
Brutal murder in Ghatkesar: మేడ్చల్‌-మల్కాజిగిరి జిల్లాలోని ఘట్‌కేసర్‌ మండలం అవుషాపూర్‌లో తీవ్ర కలకలం రేపిన దారుణ హత్య ఘటన వెలుగులోకి వచ్చింది. డబ్బుల విషయంలో ఏర్పడిన వివాదం, తన…