షేర్: f 𝕏 ✉ ✈ in @
xpressnews.co.in 18 నవం 2026, 12:12 సా.
జాతీయం

కొత్త రూల్.. ఇన్సూరెన్స్ లేకుండా టోల్ గేట్ దాటితే రూ.10 వేల ఫైన్

Truth. Perspective. Journalism.
ప్రచురణ తేదీ: 18 నవం 2026, 12:12 సా. రచన: One News Desk
6 వీక్షణలు 0 వ్యాఖ్యలు
కొత్త రూల్.. ఇన్సూరెన్స్ లేకుండా టోల్ గేట్ దాటితే రూ.10 వేల ఫైన్

NHAI New Rules: వాహనానికి సరైన బీమా (ఇన్సూరెన్స్) లేకుండా రోడ్లపైకి వస్తే ఇకపై తప్పించుకోవడం అసాధ్యం. భారత జాతీయ రహదారుల ప్రాధికార సంస్థ (NHAI) టోల్‌ప్లాజాల వద్ద సరికొత్త నిఘా వ్యవస్థకు శ్రీకారం చుట్టింది. వాహనానికి ఇన్సూరెన్స్ గడువు ముగిసినా లేదా చెల్లుబాటు అయ్యే పాలసీ లేకపోయినా.. టోల్ గేట్ దాటగానే వాహన యజమానుల మొబైల్‌కు ఎస్ఎంఎస్ (SMS) ద్వారా హెచ్చరికలు వెళ్లనున్నాయి. ప్రస్తుతం ఢిల్లీలోని అర్బన్ ఎక్స్‌టెన్షన్ రోడ్-2 (UER-2) పరిధిలోని ముండ్కా టోల్‌ప్లాజా వద్ద ఈ పైలట్ ప్రాజెక్టును ప్రయోగాత్మకంగా ప్రారంభించారు.

NHAI New Rules: ‘వాహన్’ డేటాబేస్‌తో అనుసంధానం.. పనిచేసే విధానం ఇదే!

ఈ పైలట్ ప్రాజెక్ట్ పూర్తిస్థాయిలో విజయవంతమైన తర్వాత దేశవ్యాప్తంగా ఉన్న అన్ని టోల్‌ప్లాజాలకు ఈ విధానాన్ని విస్తరించాలని ఎన్‌హెచ్‌ఏఐ భావిస్తోంది. టోల్ గేట్ దాటే ప్రతీ వాహనం వివరాలు నేషనల్ ఇన్ఫర్మేటిక్స్ సెంటర్ (NIC) నిర్వహించే ‘వాహన్’ (Vahan) డేటాబేస్‌తో అనుసంధానమై ఉంటాయి. ఆటోమేటెడ్ బ్యాకెండ్ వ్యవస్థ ద్వారా సదరు వాహనానికి చెల్లుబాటు అయ్యే థర్డ్ పార్టీ ఇన్సూరెన్స్ ఉందో లేదో క్షణాల్లో తనిఖీ చేస్తారు. ఒకవేళ పాలసీ గడువు ముగిసినట్లు తేలితే, కొన్ని నిమిషాల్లోనే రిజిస్టర్డ్ మొబైల్ నంబరుకు ఎస్ఎంఎస్ అలర్ట్ చేరుతుంది.

వాహనదారులకు వచ్చే ఎస్ఎంఎస్ అలర్ట్‌లో వాహనం నంబర్, టోల్ దాటిన సమయం, ఇన్సూరెన్స్ గడువు ముగిసిన తేదీ వివరాలు స్పష్టంగా ఉంటాయి. మోటారు వాహనాల చట్టం కింద భారీ జరిమానాల బారిన పడకుండా వెంటనే పాలసీని రెన్యూవల్ చేసుకోవాలని ఆ సందేశంలో సూచిస్తారు. ముఖ్యంగా రోడ్డు ప్రమాదాలు జరిగినప్పుడు బాధితులకు న్యాయమైన నష్టపరిహారం అందడంలో ఎదురవుతున్న ఇబ్బందులను నివారించేందుకే అధికారులు ఈ కఠిన చర్యలు తీసుకుంటున్నారు.

ఇన్సూరెన్స్ లేకపోతే భారీ జరిమానాలు తప్పవు!

మోటారు వాహనాల చట్టం ప్రకారం పబ్లిక్ రోడ్లపై తిరిగే ప్రతీ వాహనానికి థర్డ్ పార్టీ ఇన్సూరెన్స్ తప్పనిసరి. ఒకవేళ ఇన్సూరెన్స్ లేకుండా పట్టుబడితే భారీ మూల్యం చెల్లించుకోవాల్సి ఉంటుంది:

  • మొదటిసారి పట్టుబడితే: ప్రాథమిక ప్రీమియం (బేస్ ప్రీమియం) మొత్తానికి మూడు రెట్లు లేదా రూ.5,000.. వీటిలో ఏది ఎక్కువైతే ఆ మొత్తాన్ని జరిమానాగా విధిస్తారు.
  • రెండోసారి ఉల్లంఘిస్తే: బేస్ ప్రీమియంకు ఐదు రెట్లు లేదా గరిష్ఠంగా రూ.10,000 వరకు జరిమానా చెల్లించాల్సి ఉంటుంది.
#జాతీయం
NHAI New Rules: వాహనానికి సరైన బీమా (ఇన్సూరెన్స్) లేకుండా రోడ్లపైకి వస్తే ఇకపై తప్పించుకోవడం అసాధ్యం. భారత జాతీయ రహదారుల ప్రాధికార సంస్థ (NHAI) టోల్‌ప్లాజాల వద్ద సరికొత్త…