షేర్: f 𝕏 ✉ ✈ in @
xpressnews.co.in 19 నవం 2026, 7:41 ఉద.
సుప్రీంకోర్టు

ఆజం ఖాన్‌కు మంజూరైన మధ్యంతర బెయిల్‌ను సమర్ధించిన సుప్రీంకోర్టు

Truth. Perspective. Journalism.
ప్రచురణ తేదీ: 19 నవం 2026, 7:41 ఉద. రచన: One News Desk
8 వీక్షణలు 0 వ్యాఖ్యలు
ఆజం ఖాన్‌కు మంజూరైన మధ్యంతర బెయిల్‌ను సమర్ధించిన సుప్రీంకోర్టు

Azam Khan interim bail: మహమ్మద్ అలీ జౌహర్ విశ్వవిద్యాలయానికి సంబంధించిన ఆర్థిక అవకతవకల ఆరోపణల మనీలాండరింగ్ కేసులో సమాజ్‌వాదీ పార్టీ నాయకుడు అజం ఖాన్‌కు మంజూరు చేసిన మధ్యంతర బెయిల్‌పై జోక్యం చేసుకోవడానికి సుప్రీంకోర్టు గురువారం నిరాకరించింది. అలహాబాద్ హైకోర్టు ఖాన్‌కు గతంలో మంజూరు చేసిన మధ్యంతర బెయిల్‌కు వ్యతిరేకంగా ఎన్‌ఫోర్స్‌మెంట్ డైరెక్టరేట్ (ఈడీ) దాఖలు చేసిన పిటిషన్‌ను జస్టిస్‌లు ఎంఎం సుందరేష్, పీబీ వరలేలతో కూడిన ధర్మాసనం కొట్టివేసింది. అలహాబాద్ హైకోర్టు వ్యక్తం చేసిన అభిప్రాయాలు ప్రాథమికమైనవి మాత్రమేనని, తుది తీర్పుపై వీటి ప్రభావం ఉండకూడదని సుప్రీంకోర్టు స్పష్టం చేసింది. మనీ లాండరింగ్ కేసులో ఖాన్ (78)కు అలహాబాద్ హైకోర్టు మధ్యంతర బెయిల్ మంజూరు చేసింది. అక్టోబర్ 31న ఖాన్‌ను అదుపులోకి తీసుకున్నప్పుడు, అరెస్టుకు గల కారణాలను రాతపూర్వకంగా అందించడంలో ఎన్‌ఫోర్స్‌మెంట్ డైరెక్టరేట్ (ED) విఫలమైందని హైకోర్టు పేర్కొంది.

ఘజియాబాద్‌లోని దాస్నా జిల్లా జైలు నుంచి విడుదల అయిన ఖాన్

మనీ లాండరింగ్ కేసులో అలహాబాద్ హైకోర్టు మధ్యంతర బెయిల్ మంజూరు చేసిన మరుసటి రోజే, బుధవారం ఖాన్ ఘజియాబాద్‌లోని దాస్నా జిల్లా జైలు నుంచి విడుదలయ్యారు. జైలు నుంచి బయటకు వచ్చిన ఆయనకు ఆయన కుమారుడు అబ్దుల్లా ఖాన్, మద్దతుదారులు స్వాగతం పలికారు. ‘డ్యూయల్ పాన్ కార్డ్’ (రెండు పాన్ కార్డులు కలిగి ఉండటం)కు సంబంధించిన కేసులో రాంపూర్ జైలు నుంచి విడుదలైన కొద్ది గంటలకే, అక్టోబర్ 31న ప్రివెన్షన్ ఆఫ్ మనీ లాండరింగ్ యాక్ట్ (PMLA) కింద ఈడీ ఆయన్ని అరెస్టు చేసింది. ఉత్తరప్రదేశ్ మాజీ మంత్రి అయిన ఖాన్ మరియు ఆయన సహచరులపై నమోదైన 50 ఎఫ్‌ఐఆర్‌లను పరిగణనలోకి తీసుకున్న దర్యాప్తు సంస్థ ఈ కేసును నమోదు చేసింది.

Azam Khan interim bail: తదుపరి విచారణను డిసెంబర్ 10కి వాయిదా

అయితే, జస్టిస్ రాజీవ్ గుప్తా మరియు జస్టిస్ దేవేంద్ర సింగ్‌లతో కూడిన హైకోర్టు ధర్మాసనం ఖాన్‌కు బెయిల్ మంజూరు చేసింది. 78 ఏళ్ల ఖాన్‌ను అరెస్టు చేసేటప్పుడు పాటించాల్సిన తప్పనిసరి విధానాలను ఈడీ అనుసరించలేదని ధర్మాసనం గమనించింది. తదుపరి విచారణను డిసెంబర్ 10కి వాయిదా వేసిన కోర్టు, ఒక వారంలోగా కౌంటర్ అఫిడవిట్ దాఖలు చేయాలని ఈడీని ఆదేశించింది. అలాగే, 10 రోజుల్లోగా తన సమాధానాన్ని (rejoinder) సమర్పించాలని ఖాన్‌కు సూచించింది. “ఇరుపక్షాల వాదనలను పరిగణనలోకి తీసుకుంటే, ఒక కేసులో జైలు నుంచి విడుదలైన వెంటనే, జైలు గేటు వద్దే ఖాన్‌ను మరో కేసులో అదుపులోకి తీసుకోవడం అనేది, ఈ చర్య వెనుక దురుద్దేశం (mala fide intent) ఉందని స్పష్టం చేస్తోంది” అని హైకోర్టు పేర్కొంది. హైకోర్టు చేసిన ఈ వ్యాఖ్యలను సమాజ్‌వాదీ పార్టీ (SP) అధినేత, మాజీ ముఖ్యమంత్రి అఖిలేష్ యాదవ్ స్వాగతించారు. కోర్టుల ద్వారా ఖాన్‌కు ఖచ్చితంగా న్యాయం జరుగుతుందని ఆయన పేర్కొన్నారు.

#సుప్రీంకోర్టు
Azam Khan interim bail: మహమ్మద్ అలీ జౌహర్ విశ్వవిద్యాలయానికి సంబంధించిన ఆర్థిక అవకతవకల ఆరోపణల మనీలాండరింగ్ కేసులో సమాజ్‌వాదీ పార్టీ నాయకుడు అజం ఖాన్‌కు మంజూరు చేసిన మధ్యంతర…