షేర్: f 𝕏 ✉ ✈ in @
xpressnews.co.in 19 నవం 2026, 2:40 సా.
సైన్స్

ఐఫోన్ యూజర్లకు యాపిల్ గుడ్‌న్యూస్.. iOS 27.3లో అదిరిపోయే కొత్త ఫీచర్లు.. పూర్తి వివరాలివే

Truth. Perspective. Journalism.
ప్రచురణ తేదీ: 19 నవం 2026, 2:40 సా. రచన: One News Desk
7 వీక్షణలు 0 వ్యాఖ్యలు
ఐఫోన్ యూజర్లకు యాపిల్ గుడ్‌న్యూస్.. iOS 27.3లో అదిరిపోయే కొత్త ఫీచర్లు.. పూర్తి వివరాలివే

స్మార్ట్‌ఫోన్‌లలో కృత్రిమ మేధ ఆధారిత ఫీచర్లు పెరుగుతున్న నేపథ్యంలో బ్రౌజింగ్ అనుభవాన్ని మెరుగుపరిచే దిశగా యాపిల్ మరో అడుగు వేసింది. సఫారీ బ్రౌజర్‌లో సిరి సాయంతో వెబ్‌పేజీల సమాచారాన్ని అర్థం చేసుకుని ప్రశ్నలకు సమాధానాలు పొందే అవకాశం కల్పించింది. యాపిల్ టీవీలో వీడియో పాడ్‌కాస్ట్‌లకు కూడా సపోర్ట్ జోడించింది. ప్రస్తుతం ఈ ఫీచర్లు డెవలపర్లకు అందుబాటులో ఉండగా, సాధారణ వినియోగదారులకు ఎప్పుడు విడుదలవుతాయనే దానిపై అధికారిక సమాచారం రావాల్సి ఉంది.

ఫోల్డ్ చేసినా ఫేస్ అన్‌లాక్..

iPhone Duoలో టచ్ ఐడీతో పాటు కొత్తగా ఫేస్ అన్‌లాక్ సదుపాయాన్ని అందించారు. ఫోన్ బయటి డిస్‌ప్లేపై ఉన్న ఫ్రంట్ కెమెరా ముఖాన్ని గుర్తించి లాక్ స్క్రీన్‌ను తెరుస్తుంది. సెట్టింగ్స్‌లోని Touch ID & Passcode విభాగంలో ఈ ఫీచర్‌ను ఎనేబుల్ చేసుకోవచ్చు. అయితే ఇది పూర్తిస్థాయి Face ID కాదు. ఫోన్ మడతపెట్టి ఉన్నప్పుడు లాక్ స్క్రీన్‌ను తెరవడానికి మాత్రమే పనిచేస్తుంది. Apple Pay చెల్లింపులు, పాస్‌వర్డ్‌ల కోసం టచ్ ఐడీనే ఉపయోగించాలి. 45 నిమిషాల పాటు ఫోన్ వాడకపోతే, మళ్లీ టచ్ ఐడీతో అన్‌లాక్ చేసిన తర్వాతే కెమెరా ఆధారిత అన్‌లాక్ పనిచేస్తుంది.

అలాగే Close to Lock అనే కొత్త ఆప్షన్‌ను కూడా తీసుకొచ్చింది. Display & Brightness సెట్టింగ్స్‌లో దీన్ని ఆన్ చేసుకుంటే ఫోన్‌ను మడతపెట్టగానే స్క్రీన్ ఆటోమేటిక్‌గా లాక్ అవుతుంది. దీనివల్ల ఫోన్‌ను ఉపయోగించడం పూర్తయ్యాక ప్రత్యేకంగా లాక్ చేయాల్సిన అవసరం ఉండదు.

యాపిల్ టీవీలో కొత్త ఫీచర్

సఫారీ బ్రౌజర్‌లో Ask about Page అనే కొత్త ఫీచర్‌ను యాపిల్ జోడించింది. పెద్ద ఆర్టికల్ లేదా వెబ్‌పేజీ చదువుతున్నప్పుడు అందులోని సమాచారంపై సిరిని ప్రశ్నించవచ్చు. స్క్రీన్‌పై ప్రస్తుతం కనిపించని కింది భాగంలోని వివరాలను కూడా సిరి అర్థం చేసుకుని సమాధానాలు ఇస్తుంది. ఉదాహరణకు ట్రావెల్ గైడ్ చదువుతున్నప్పుడు ప్యాకింగ్ లిస్ట్ తయారు చేయమని అడిగితే, ఆ వివరాల ఆధారంగా జాబితాను రూపొందించి నోట్స్‌లో సేవ్ చేస్తుంది.

మరోవైపు Apple TV యాప్‌లో వీడియో పాడ్‌కాస్ట్‌లకు సపోర్ట్ అందించింది. అలాగే 2 లక్షలకు పైగా యాప్‌లు iPhone Duo ఫోల్డబుల్ డిస్‌ప్లేకు అనుగుణంగా అప్‌డేట్ అయినట్లు కంపెనీ వెల్లడించింది. ప్రస్తుతం iOS 27.3 బీటా అప్‌డేట్‌లో ఉన్న ఈ మార్పులు, త్వరలో విడుదలయ్యే పూర్తి వెర్షన్‌లో సాధారణ వినియోగదారులకు అందుబాటులోకి వచ్చే అవకాశం ఉంది.

#సైన్స్
స్మార్ట్‌ఫోన్‌లలో కృత్రిమ మేధ ఆధారిత ఫీచర్లు పెరుగుతున్న నేపథ్యంలో బ్రౌజింగ్ అనుభవాన్ని మెరుగుపరిచే దిశగా యాపిల్ మరో అడుగు వేసింది. సఫారీ బ్రౌజర్‌లో సిరి సాయంతో వెబ్‌పేజీల సమాచారాన్ని అర్థం…