షేర్: f 𝕏 ✉ ✈ in @
xpressnews.co.in 19 నవం 2026, 2:45 ఉద.
అంతర్జాతీయం

నేడు అంతర్జాతీయ పురుషుల దినోత్సం !!

Truth. Perspective. Journalism.
ప్రచురణ తేదీ: 19 నవం 2026, 2:45 ఉద. రచన: One News Desk
7 వీక్షణలు 0 వ్యాఖ్యలు
నేడు అంతర్జాతీయ పురుషుల దినోత్సం !!

International Men’s Day : కుటుంబ బాధ్యతలను భుజాలపై మోస్తూ, ఎన్నో కష్టనష్టాలను చిరునవ్వు వెనుక దాచుకొని నిరంతరం శ్రమించే పురుషుల సేవలను గుర్తిస్తూ ప్రతి సంవత్సరం నవంబర్ 19న అంతర్జాతీయ పురుషుల దినోత్సవాన్ని (International Men’s Day) నిర్వహిస్తారు. సమాజం, కుటుంబం, దేశ అభివృద్ధిలో పురుషుల పాత్రను గుర్తించడంతో పాటు వారి సమస్యలు, సవాళ్లపై అవగాహన కల్పించడం ఈ రోజు ప్రధాన ఉద్దేశం. 1999లో వెస్టిండీస్‌లోని ట్రినిడాడ్ అండ్ టొబాగోలో డాక్టర్ జెరోమ్ తీలుక్సింగ్ ఈ వేడుకలను ప్రారంభించారు. అప్పటి నుంచి ప్రపంచవ్యాప్తంగా పలు దేశాల్లో ఈ దినోత్సవాన్ని నిర్వహిస్తున్నారు. పురుషులు కుటుంబం కోసం చేసే త్యాగాలు, సమాజానికి అందించే సేవలు, వారి బాధ్యతలను గుర్తించి గౌరవించాల్సిన అవసరాన్ని ఈ రోజు తెలియజేస్తుంది.

2026 థీమ్ ‘ది ఫ్యూచర్ ఈజ్ ఎవ్రీవన్’.. సమాన భాగస్వామ్యమే సందేశం

2026 అంతర్జాతీయ పురుషుల దినోత్సవం థీమ్ ‘ది ఫ్యూచర్ ఈజ్ ఎవ్రీవన్’ (The Future Is Everyone). మెరుగైన భవిష్యత్తు నిర్మాణంలో స్త్రీ, పురుషులు సమాన భాగస్వాములుగా కలిసి ముందుకు సాగాలన్నది ఈ థీమ్ ప్రధాన సందేశం. పురుషుల శారీరక, మానసిక ఆరోగ్య సమస్యలపై అవగాహన పెంచడం, పని ఒత్తిడి, కుటుంబ బాధ్యతల వల్ల ఎదురయ్యే మానసిక ఇబ్బందులను గుర్తించడం కూడా ఈ వేడుకల్లో కీలక అంశాలు. ముఖ్యంగా మానసిక ఆరోగ్యంపై బహిరంగంగా మాట్లాడేలా ప్రోత్సహించడం, ఆత్మహత్యల నివారణపై అవగాహన కల్పించడం, అవసరమైనప్పుడు సహాయం కోరేలా ప్రోత్సహించడం ఈ దినోత్సవం లక్ష్యాల్లో భాగం. పురుషులు కూడా తమ భావాలను పంచుకోవడానికి, ఆరోగ్యంపై శ్రద్ధ చూపడానికి, కుటుంబ సభ్యుల నుంచి మద్దతు పొందడానికి అర్హులేననే విషయాన్ని ఈ రోజు గుర్తుచేస్తుంది.

#అంతర్జాతీయం
International Men’s Day : కుటుంబ బాధ్యతలను భుజాలపై మోస్తూ, ఎన్నో కష్టనష్టాలను చిరునవ్వు వెనుక దాచుకొని నిరంతరం శ్రమించే పురుషుల సేవలను గుర్తిస్తూ ప్రతి సంవత్సరం నవంబర్ 19న…