షేర్: f 𝕏 ✉ ✈ in @
xpressnews.co.in 20 నవం 2026, 4:57 సా.
వినోదం

నితిన్ ఇచ్చింది చాలా పెద్ద స్టేట్‌మెంట్

Truth. Perspective. Journalism.
ప్రచురణ తేదీ: 20 నవం 2026, 4:57 సా. రచన: One News Desk
5 వీక్షణలు 0 వ్యాఖ్యలు

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు అవకాశం ఇచ్చినా లేక తనతో ఆల్రెడీ గతంలో పని చేసిన వాళ్లకు ఛాన్స్ అందించినా ఫలితం మాత్రం మారడం లేదు. రాబిన్ హుడ్, తమ్ముడు లాంటివి అగ్ర నిర్మాణ సంస్థల్లో భారీ బడ్జెట్ తో రూపొందినప్పటికీ తీవ్రంగా నిరాశ పరచడం అభిమానులు జీర్ణించుకోలేకపోయారు. అయితే అలియాస్ రుక్మిణి మీద నితిన్ చూపిస్తున్న కాన్ఫిడెన్స్ మాములుగా లేదు. పెద్ద స్టేట్‌మెంట్ ఇచ్చేశాడు.

ఇటీవలే జరిగిన బాష్ పార్టీలో మాట్లాడుతూ తన కెరీర్ మొత్తంలో అలియాస్ రుక్మిణి బెస్ట్ మూవీ అవుతుందని అన్నాడు. అంత బాగుంటే సంతోషమే కానీ గతంలో తనకు గొప్ప హిట్లు ఇచ్చిన వాళ్ళను తక్కువ చేయడం ఏమిటనే కామెంట్స్ లేకపోలేదు. ఎందుకంటే టాలీవుడ్ లో ఒక ట్రెండ్ కి కారణమైన జయం, రాజమౌళి తీసిన ఒకే ఒక స్పోర్ట్స్ డ్రామా సై, ఎంటర్ టైన్మెంట్ ప్లస్ మెసేజ్ ప్రాపర్ గా మిక్స్ చేసిన భీష్మలో నితినే హీరో. అవి ఎంత గొప్ప విజయాలు సాధించాయో తెలిసిందే.

వాటిని తోసిరాజని అలియాస్ రుక్మిణి మీద ఇంతగా నమ్మకం పెట్టుకోవడానికి కారణం లేకపోలేదు. ఇది నిర్మాతగా నాని ఓకే చేసిన ప్రాజెక్టు. తక్కువ టైంలో తీసినా క్వాలిటీ విషయంలో రాజీ పడకుండా తెరకెక్కించారు. దండోరా ఫేమ్ మురళికాంత్ దర్శకత్వం వహించిన ఈ ఎంటర్ టైనర్ ద్వారా ఆఫియా హీరోయిన్ గా పరిచయమవుతోంది. లుక్స్ విషయంలో ఆల్రెడీ టాలీవుడ్ జనాల దృష్టిలో పడింది. నటన పరంగా తెలియాలంటే థియేటర్లో సినిమా చూశాక క్లారిటీ వస్తుంది.

అంతా బాగానే ఉంది కానీ అలియాస్ రుక్మిణికి డిసెంబర్ 4నే నాగచైతన్య వృషకర్మ గట్టి పోటీ ఇవ్వనుంది. రెండు వేర్వేరు జానర్లు అయినప్పటికీ కాంపిటీషన్ అయితే ఉంటుంది. కాకపోతే నితిన్ ఫెయిల్యూర్స్ దృష్ట్యా ఎక్కువ ఎడ్జ్ చైతు వైపు ఉండటాన్ని కొట్టి పారేయలేం. పైగా బడ్జెట్ కూడా దానికి భారీగా ఖర్చు పెట్టారు. ఇటు చూస్తే అలియాస్ రుక్మిణి సింపుల్ గా అయిపోయింది. నాని కూడా 2026లో తన ప్రొడక్షన్ కు ఇది బెస్ట్ మూవీ అవుతుందని ఓ రేంజ్ ఎలివేషన్ ఇచ్చాడు. 

#వినోదం
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు అవకాశం ఇచ్చినా లేక తనతో ఆల్రెడీ గతంలో పని…