డిసెంబర్ 4 విడుదల కావాల్సిన వృషకర్మ మీద అనుమాన మేఘాలు కమ్ముకుంటున్నాయి. వాయిదా తప్పదనే ప్రచారం ఫిలిం నగర్ వర్గాల్లో ఊపందుకుంది. నిన్నటి దాకా దీని గురించి ఎలాంటి క్లూ లేదు. ఎందుకంటే ప్రమోషన్లు జరుగుతున్నాయి. పబ్లిసిటీ ఆపడం లేదు. చైతు, మీనాక్షి చౌదరిలతో చేయించిన వీడియో కంటెంట్ బయటికి వదిలారు. అన్ని బాగుంటున్నాయని అనుకుంటున్న టైంలో హఠాత్తుగా ఇలా రెండు వారాల ముందు పోస్ట్ పోన్ బాంబ్ వేస్తే ఫ్యాన్స్ కలవర పడతారు.
ఇప్పటికైతే వాయిదా గురించి ఎలాంటి అధికారిక ప్రకటన లేదు కానీ ట్రేడ్ జనాలు దీని గురించే మాట్లాడుకుంటున్నారు. అదే నిజమైన పక్షంలో చైతుకి ఒక మంచి అవకాశం మిస్ అయినట్టే. ఎందుకంటే డిసెంబర్ 4 వృషకర్మ స్థాయి పోటీ వేరొకటి లేదు. నితిన్ అలియాస్ రుక్మిణి పూర్తిగా వేరే జానర్. హిట్ అయినా సరే మార్కెట్ లెక్కలు ఒక లెవెల్ వరకు పరిమితంగా ఉంటాయి. కానీ చైతు మూవీ అలా కాదు. పాజిటివ్ టాక్ వస్తే కనీసం వంద కోట్ల థియేటర్ రిటర్న్ ఆశించవచ్చు.
అలాంటప్పుడు కష్టమో నష్టమో దానికే కట్టుబడి ఉండాలనేది అభిమానుల కోరిక. ఇన్ సైడ్ ఇన్ఫో ప్రకారం వృషకర్మ పోస్ట్ ప్రొడక్షన్ ఇంకా పూర్తిగా అయిపోలేదు. బెస్ట్ అవుట్ ఫుట్ కోసం దర్శకుడు కార్తీక్ దండు టీమ్ రేయింబవళ్లు కష్టపడుతోంది. సెన్సార్ కాపీ రెడీ చేసేందుకు అందరూ వర్క్ చేస్తున్నారు. అయినా సరే డెడ్ లైన్ చేరుకోవడం పట్ల అనుమానం ఉండటంతో పోస్ట్ పోన్ చేస్తే ఎలా ఉంటుందనే కోణంలో రకరకాల చర్చలు జరుగుతున్నాయని తెలిసింది.
డిసెంబర్ 25 కింగ్ 100 తప్పుకుంటే అప్పుడా స్థానంలో వృషకర్మని దింపాలనేది కొత్త ప్లాన్. ఇవన్నీ ప్రతిపాదన దశలోనే ఉన్నాయి కాబట్టి నిర్ధారణగా ఏదీ చెప్పలేం కానీ నిప్పు లేనిదే పొగరాదు తరహాలో ఇదంతా ఊరికే లేచిన పుకారు అయితే కాదు. విరూపాక్షతో ఆకట్టుకున్న కార్తీక్ దండు మీద నమ్మకంతో భారీ బడ్జెట్ తో వృషకర్మ తీశారు నిర్మాత బివిఎస్ఎన్ ప్రసాద్. దానికి తగ్గట్టు ఫలితం రావాలంటే బెస్ట్ రిలీజ్ దక్కాలి. మరి చివరికి ఏం చేస్తారో లెట్ వెయిట్ అండ్ సీ.