షేర్: f 𝕏 ✉ ✈ in @
xpressnews.co.in 21 నవం 2026, 7:19 ఉద.
తెలంగాణ

‘కేసీఆర్ కూతురు’ మాత్రమే నా గుర్తింపు కాదు

Truth. Perspective. Journalism.
ప్రచురణ తేదీ: 21 నవం 2026, 7:19 ఉద. రచన: One News Desk
7 వీక్షణలు 0 వ్యాఖ్యలు

కల్వకుంట్ల కవిత…ఈ పేరు వినగానే ఠక్కున గుర్తుకు వచ్చే మరో పేరు తెలంగాణ మాజీ సీఎం కేసీఆర్. తెలంగాణ సాధనలో కీలక పాత్ర పోషించిన అప్పటి టీఆర్ఎస్ అధినేత కూతురుగా కవిత దేశవ్యాప్తంగా సుపరిచుతమయ్యారు. అయితే, తనకు ఆ గుర్తింపు దక్కడానికన్నా ముందే తనకంటూ ఒక గుర్తింపు ఉందని కవిత అంటున్నారు.

ప్రత్యక్ష రాజకీయాల్లోకి రావడానికి ఎనిమిదేళ్ల ముందే తెలంగాణ జాగృతి ద్వారా తాను రాష్ట్రవ్యాప్తంగా బతుకమ్మ పండుగను ఘనంగా నిర్వహించి తనకొక ఐడెంటిటీ సంపాదించుకున్నానని చెప్పారు. ఓ ఇంటర్వ్యూ సందర్భంగా జర్నలిస్ట్ తనను కేసీఆర్ కూతురు అని పరిచయం చేయడంతో ఆయనపై కవిత ఫైర్ అయ్యారు.

తనను కేసీఆర్ బిడ్డ గా చూస్తున్నారని, ఇంట్రడక్షన్ లో కూడా కేసీఆర్ కూతురు అనే చెప్పారని సదరు ఇంటర్వ్యూ చేసిన జర్నలిస్టుపై ఆమె ఆగ్రహం వ్యక్తం చేశారు. కేటీఆర్ ను ఇంటర్వ్యూ చేసేటపుడు ఇలాగా కేసీఆర్ కొడుకు కేటీఆర్ అని పరిచయం చేస్తారా అని ప్రశ్నించారు. అంత పురుషాహంకారం ఎందుకు? ఈ పద్ధతి మార్చుకోవాలి అంటూ ఫైర్ అయ్యారు. అయితే, తాను కేటీఆర్ వచ్చినా ఇలాగే పరిచయం చేస్తానని, అందులో తప్పేముందని సదరు జర్నలిస్ట్ ప్రశ్నించారు. కేసీఆర్ కూతురుగానే బతుకమ్మ ఆడారని, రాజకీయాల్లో వచ్చారని అనడంతో మళ్లీ కవిత సహనం కోల్పోయారు.

ఇంటర్వ్యూ చేసే ముందు స్టడీ, రీసెర్చ్ చేసి రావాలని, రాజకీయాల్లోకి రాక ముందు తాను 8 ఏళ్లు బతుకమ్మ ఆడానని అన్నారు. ఆ తర్వాత కూడా ఆగ్రహంతోనే ఇంటర్వ్యూను కంటిన్యూ చేయాలని కవిత అన్నారు. ప్రస్తుతం ఈ ఇంటర్వ్యూకు సంబంధించిన ఈ క్లిప్ సోషల్ మీడియాలో వైరల్ గా మారింది.

అయితే, ఈ రోజు వరకు కేటీఆర్ ఎక్కడా తనకు సెపరేట్ ఐడెంటిటీ ఉంది అని చెప్పలేదు. ఏ ప్రసంగంలో అయినా, ప్రెస్ మీట్ లో అయినా…కేసీఆర్ తనయుడిని అని గర్వంగా చెబుతాను అని కేటీఆర్ పలు సందర్భాల్లో అన్నారు. ఎందుకంటే, కేసీఆర్ కొడుకు కాకుంటే కేటీఆర్ ఎవరు అని గతంలో చాలా సార్లు రేవంత్ విమర్శించారు.

కానీ, కవిత వ్యవహార శైలి అందుకు భిన్నంగా ఉంది. ప్రస్తుతం కేసీఆర్, కేటీఆర్ లతో కవితకు విభేదాలుండవచ్చు. ఆ నేపథ్యంలోనే కవిత ఇలా మాట్లాడి ఉండొచ్చు. కానీ, కేసీఆర్ వల్లే కవిత తెలంగాణ, ఏపీతోపాటు దేశవ్యాప్తంగా గుర్తింపు తెచ్చుకున్నారు అనేది నిర్వివాదాంశం. ఆ తర్వాత కేటీఆర్ కు వచ్చినట్లే ఆమెకంటూ ఒక గుర్తింపు వచ్చి ఉండొచ్చు. అలా అని, కేసీఆర్ వల్ల మాత్రమే తనకు గుర్తింపు రాలేదు అని అనడం సబబు కాదు.

#తెలంగాణ
కల్వకుంట్ల కవిత…ఈ పేరు వినగానే ఠక్కున గుర్తుకు వచ్చే మరో పేరు తెలంగాణ మాజీ సీఎం కేసీఆర్. తెలంగాణ సాధనలో కీలక పాత్ర పోషించిన అప్పటి టీఆర్ఎస్ అధినేత కూతురుగా…