షేర్: f 𝕏 ✉ ✈ in @
xpressnews.co.in 21 నవం 2026, 8:35 ఉద.
రాజకీయాలు

స్టాలిన్‌ను ఓడించిన ఎమ్మెల్యే కన్నుమూత.. కొలత్తూరులో మళ్లీ రాజకీయ పోరు?

Truth. Perspective. Journalism.
ప్రచురణ తేదీ: 21 నవం 2026, 8:35 ఉద. రచన: One News Desk
10 వీక్షణలు 0 వ్యాఖ్యలు
స్టాలిన్‌ను ఓడించిన ఎమ్మెల్యే కన్నుమూత.. కొలత్తూరులో మళ్లీ రాజకీయ పోరు?

Kolathur By Election: తమిళనాడు రాజకీయాల్లో కొలత్తూరు అసెంబ్లీ నియోజకవర్గం మరోసారి హాట్ టాపిక్‌గా మారింది. 2026 అసెంబ్లీ ఎన్నికల్లో మాజీ ముఖ్యమంత్రి, డీఎంకే అధినేత ఎంకే స్టాలిన్‌ను ఓడించిన టీవీకే ఎమ్మెల్యే వీఎస్ బాబు కన్నుమూయడంతో ఇక్కడ ఉపఎన్నికకు మార్గం సుగమమైంది. దీంతో స్టాలిన్ మళ్లీ తన పాత నియోజకవర్గం నుంచే పోటీ చేస్తారా? అనే చర్చ మొదలైంది. మరోవైపు ఈ స్థానాన్ని తిరిగి దక్కించుకునేందుకు డీఎంకే, తమ విజయాన్ని నిలబెట్టుకునేందుకు టీవీకే ప్రయత్నించనున్నాయి.

స్టాలిన్‌ను ఓడించిన వీఎస్ బాబు

2026 తమిళనాడు అసెంబ్లీ ఎన్నికల్లో కొలత్తూరు నియోజకవర్గం నుంచి టీవీకే అభ్యర్థి వీఎస్ బాబు విజయం సాధించారు. ఆయనకు 82,997 ఓట్లు రాగా, డీఎంకే అధినేత ఎంకే స్టాలిన్‌కు 74,202 ఓట్లు వచ్చాయి. దీంతో 8,795 ఓట్ల మెజారిటీతో బాబు గెలుపొందారు. 2011 నుంచి ఈ నియోజకవర్గానికి ప్రాతినిధ్యం వహిస్తున్న స్టాలిన్‌కు ఈ ఓటమి రాజకీయంగా పెద్ద ఎదురుదెబ్బగా నిలిచింది. అయితే, అనారోగ్యంతో ఆసుపత్రిలో చికిత్స పొందుతున్న వీఎస్ బాబు నవంబర్ 19న గుండెపోటుతో మరణించారు. దీంతో కొలత్తూరు అసెంబ్లీ స్థానం ఖాళీ అయింది. ఉపఎన్నిక నేపథ్యంలో ఇప్పుడు ఈ నియోజకవర్గంపై రాజకీయ పార్టీల దృష్టి పడింది.

మళ్లీ పోటీ చేయాలని డీఎంకే నేతల కోరిక

కొలత్తూరు నియోజకవర్గం స్టాలిన్‌కు రాజకీయంగా ప్రత్యేక గుర్తింపు కలిగిన స్థానం. అందుకే ఆయన మళ్లీ ఇక్కడి నుంచే పోటీ చేయాలని డీఎంకే నేతలు, కార్యకర్తలు కోరుకుంటున్నారు. ఈ విషయంపై డీఎంకే ఎంపీ సి. రవీంద్రన్ కూడా స్పందించారు. కొలత్తూరు అంటే స్టాలిన్ నియోజకవర్గమేనని, ఆయన మళ్లీ పోటీ చేయాలని పార్టీ కార్యకర్తలు ఆశిస్తున్నారని తెలిపారు. అయితే, ఎన్నికల్లో పోటీ చేయాలా వద్దా అనే తుది నిర్ణయం స్టాలిన్‌దేనని స్పష్టం చేశారు.

Kolathur By Election: విజయ్ వ్యూహంపై ఆసక్తికర చర్చ

మరోవైపు, కొలత్తూరు స్థానాన్ని నిలబెట్టుకోవడం టీవీకేకు కీలకంగా మారింది. స్టాలిన్ మళ్లీ పోటీ చేస్తే ఉపఎన్నిక మరింత ప్రతిష్ఠాత్మకంగా మారే అవకాశం ఉంది. ఈ నేపథ్యంలో సిట్టింగ్ ఎమ్మెల్యే వీఎస్ బాబు కుటుంబ సభ్యుల్లో ఒకరికి అవకాశం ఇవ్వాలనే ప్రతిపాదనను టీవీకే పరిశీలించవచ్చన్న ప్రచారం రాజకీయ వర్గాల్లో సాగుతోంది. సానుభూతి ఓట్లను పొందే వ్యూహంలో భాగంగా ఈ ఆలోచన ఉండొచ్చని కథనాలు పేర్కొంటున్నాయి. అయితే, ఈ విషయంపై విజయ్ లేదా టీవీకే అధికారికంగా ఎలాంటి ప్రకటన చేయలేదు.

అసెంబ్లీ ఎన్నికల్లో ఓడిపోయిన తర్వాత కొలత్తూరును తిరిగి గెలుచుకోవడం డీఎంకేకు ప్రతిష్ఠాత్మకంగా మారింది. మరోవైపు స్టాలిన్ వంటి కీలక నేతను ఓడించి గెలుచుకున్న స్థానాన్ని కాపాడుకోవడం టీవీకేకు సవాలుగా నిలవనుంది. ఉపఎన్నికకు సంబంధించిన అధికారిక షెడ్యూల్, అభ్యర్థుల ప్రకటన వెలువడిన తర్వాతే ఈ రాజకీయ పోరు మరింత స్పష్టతకు రానుంది.

#రాజకీయాలు
Kolathur By Election: తమిళనాడు రాజకీయాల్లో కొలత్తూరు అసెంబ్లీ నియోజకవర్గం మరోసారి హాట్ టాపిక్‌గా మారింది. 2026 అసెంబ్లీ ఎన్నికల్లో మాజీ ముఖ్యమంత్రి, డీఎంకే అధినేత ఎంకే స్టాలిన్‌ను ఓడించిన…