షేర్: f 𝕏 ✉ ✈ in @
xpressnews.co.in 22 నవం 2026, 3:39 ఉద.
క్రైమ్ వార్తలు

రాజస్థాన్‌లో ఘోర రోడ్డు ప్రమాదం.. ఒకే కుటుంబానికి చెందిన 9 మంది దుర్మరణం

Truth. Perspective. Journalism.
ప్రచురణ తేదీ: 22 నవం 2026, 3:39 ఉద. రచన: One News Desk
7 వీక్షణలు 0 వ్యాఖ్యలు
రాజస్థాన్‌లో ఘోర రోడ్డు ప్రమాదం.. ఒకే కుటుంబానికి చెందిన 9 మంది దుర్మరణం

Road Accident: రాజస్థాన్‌లోని కోటా-ఉదయ్‌పూర్ జాతీయ రహదారిపై ఆదివారం తెల్లవారుజామున ఘోర రోడ్డు ప్రమాదం జరిగింది. శంభుపుర సమీపంలో రోడ్డు పక్కన ఆగి ఉన్న ట్రక్కును అతివేగంగా వచ్చిన క్రూజర్ వాహనం వెనుక నుంచి బలంగా ఢీకొట్టింది. ఈ దుర్ఘటనలో ఒకే కుటుంబానికి చెందిన తొమ్మిది మంది అక్కడికక్కడే మృతి చెందగా, మరో ఎనిమిది మంది తీవ్రంగా గాయపడ్డారు.

Read alos: Baby Kidnapping: గాంధీ ఆసుపత్రిలో పసికందు అపహరణ.. గంటల్లోనే ముఠా ఆటకట్టించిన పోలీసులు

దైవదర్శనం ముగించుకుని వస్తుండగా విషాదం

మృతులంతా మహారాష్ట్రలోని ధూలే జిల్లా వాసులు. వీరంతా ప్రసిద్ధ పుణ్యక్షేత్రమైన ఖాటూ శ్యామ్‌జీ ఆలయంలో దైవదర్శనం ముగించుకుని స్వస్థలానికి తిరిగి వెళ్తుండగా ఈ ప్రమాదం చోటుచేసుకుంది. ప్రమాద సమయంలో క్రూజర్ వాహనంలో చిన్నారులతో సహా ఒకే కుటుంబానికి చెందిన 16 మంది ప్రయాణిస్తున్నారు.

డ్రైవర్ నిద్రమత్తే కారణమా?

సమాచారం అందుకున్న వెంటనే కోటా సిటీ ఎస్పీ తేజస్విని గౌతమ్ ఇతర పోలీసు అధికారులతో కలిసి ఘటనా స్థలానికి చేరుకుని సహాయక చర్యలను పర్యవేక్షించారు. నుజ్జునుజ్జయిన వాహనంలో చిక్కుకున్న వారిని బయటకు తీసి, క్షతగాత్రులను చికిత్స నిమిత్తం న్యూ మెడికల్ కాలేజ్ ఆసుపత్రికి తరలించారు. క్రూజర్ డ్రైవర్ నిద్రమత్తులోకి జారుకోవడం వల్లే ఈ ప్రమాదం జరిగి ఉండవచ్చని పోలీసులు ప్రాథమికంగా అంచనా వేస్తున్నారు.

20 అడుగుల దూరం ఎగిరిపడ్డ ట్రక్కు డ్రైవర్

సాంకేతిక లోపం తలెత్తడంతో తాను ట్రక్కును రోడ్డు పక్కన నిలిపి, తనిఖీ చేస్తూ కొద్దిదూరంలో నిలబడి ఉన్నానని ట్రక్కు డ్రైవర్ హరూన్ మీడియాకు తెలిపారు. వేగంగా వచ్చిన క్రూజర్ ఢీకొట్టిన ధాటికి తాను రోడ్డుపై నుంచి సుమారు 20 అడుగుల దూరం ఎగిరిపడ్డానని చెప్పారు. 10 నిమిషాల తర్వాత స్పృహలోకి వచ్చిన తానే స్వయంగా పోలీసులకు, అంబులెన్స్‌కు ఫోన్ చేసి సమాచారం అందించానని తెలిపారు. ఈ ఘటనలో హరూన్ తల, మోకాళ్లకు గాయాలయ్యాయి.

#క్రైమ్వార్తలు
Road Accident: రాజస్థాన్‌లోని కోటా-ఉదయ్‌పూర్ జాతీయ రహదారిపై ఆదివారం తెల్లవారుజామున ఘోర రోడ్డు ప్రమాదం జరిగింది. శంభుపుర సమీపంలో రోడ్డు పక్కన ఆగి ఉన్న ట్రక్కును అతివేగంగా వచ్చిన క్రూజర్…