- బోస్టన్ జడ్జి తీర్పు.. ట్రంప్నకు మరోషాక్
వాషింగ్టన్, నవంబర్ 17: అమెరికా అధ్యక్షుడు ట్రంప్ నిర్ణయానికి న్యాయస్థానంలో మరో ఎదురుదెబ్బ తగిలింది. విదేశీ విద్యార్థులు, పరిశోధకులు, జర్నలిస్టులు తమ వీసాలపై అమెరికాలో ఉండే కాలానికి పరిమితి విధించాలని ట్రంప్ ప్రభుత్వం చేసిన ప్రతిపాదనను అమెరికా ఫెడరల్ కోర్టు కొట్టివేసింది. అమెరికా హోంల్యాండ్ సెక్యూరిటీ విభాగం (డీహెచ్ఎస్) జూలైలో ఈ విధానాన్ని ప్రతిపాదించింది. కేంద్ర ప్రభుత్వ అనుమతి తీసుకుంటే తప్ప విదేశీ విద్యార్థులు దేశంలో 4 ఏండ్లకు మించి ఉండకుండా చేయడమే దీని ఉద్దేశమని తెలిపింది. బోస్టన్ ఫెడరల్ జడ్జి ఎఫ్ డెన్నిస్ సేలర్ సోమవారం ఇచ్చిన తీర్పులో డీహెచ్ఎస్ ప్రతిపాదనను ‘ఏకపక్షమైనది, విచక్షణారహితమైనది, అధికార దుర్వినియోగమైనది, చట్టానికి అనుగుణం కానిది’ అంటూ పేర్కొన్నారు.