An amazing offer from BSNL: బీఎస్ఎన్ఎల్ బంపర్ ఆఫర్ ప్రకటించింది. రూ.51కే 28 రోజుల పాటు అపరిమిత కాల్స్, రోజుకు 2జీబీ డేటాను అందిస్తోంది. కొత్త వినియోగదారులను ఆకర్షించేందుకు బీఎస్ఎన్ఎల్ ప్రత్యేక ఆఫర్ ప్రకటించింది. కొత్త సిమ్ ఉచితంగా అందించడంతో పాటు నెలవారీ ప్లాన్ను కేవలం రూ.51కే అందిస్తోంది. ఈ ఆఫర్ కొత్త బీఎస్ఎన్ఎల్ వినియోగదారులకు మాత్రమే వర్తిస్తుంది. రూ.51 ప్లాన్తో 28 రోజుల వ్యాలిడిటీ, రోజుకు 2GB హైస్పీడ్ డేటా, అపరిమిత వాయిస్ కాల్స్, రోజుకు 100 SMSలు పొందవచ్చు. దేశంలోని ఏ నెట్వర్క్కైనా ఉచితంగా కాల్స్ చేసుకునే అవకాశం ఉంది. ఈ ప్రత్యేక ఆఫర్ 2026 నవంబర్ 30 వరకు మాత్రమే అందుబాటులో ఉంటుంది. ఇతర నెట్వర్క్ల నుంచి బీఎస్ఎన్ఎల్కు మారాలనుకునే వారికి ఈ ఆఫర్ ఉపయోగకరంగా ఉండనుంది. ఇప్పటికే బీఎస్ఎన్ఎల్ సిమ్ వాడుతున్నవారికి ఈ ఆఫర్ వర్తించదు. బీఎస్ఎన్ఎల్ కొత్త సిమ్ తీసుకున్నా లేదా వేరే నెట్ వర్క్ నుంచి పోర్ట్ అయిన ఈ ఆఫర్ వర్తిస్తుంది.

An amazing offer from BSNL: పలు ప్లాన్ల వ్యాలిడిటీ పెంచిన కంపెనీ..!
ఈ సిమ్ తీసుకున్న మొదటి నెలలో ఈ ఆఫర్ ఉంటుంది. రెండో నెల నుంచి సాధారణ ప్లాన్లను రీఛార్జ్ చేసుకోవాల్సి ఉంటుంది. కాగా ఆ సంస్థ తన రెండు దీర్ఘకాలిక ప్రీపెయిడ్ రీఛార్జ్ ప్లాన్ల సర్వీస్ వ్యాలిడిటీని పెంచుతున్నట్లు ప్రకటించింది. కంపెనీ రూ. 2,799, రూ. 2,449 ప్లాన్లు ఇప్పుడు మునుపటి కంటే ఎక్కువ రోజుల పాటు వ్యాలిడిటీని అందిస్తున్నట్లు ప్రకటించింది. ఈ రెండు ప్లాన్లలో అపరిమిత వాయిస్ కాలింగ్తో పాటు, మీకు రోజువారీ డేటా, SMS సౌకర్యం కూడా లభిస్తుంది. బీఎస్ఎన్ఎల్ రూ. 2,799 ప్రీపెయిడ్ ప్లాన్ మొదట 365 రోజుల సర్వీస్ వ్యాలిడిటీని అందించిన సంగతి తెలిసిందే.